ဦးနှောက်အမြှေးရောင်လက္ခဏာများ
ဒီနေ့ အင်တာနက်သတင်းထဲ မှာ ဦးနှောက် အမြှေးရောင် ရောဂါ အကြောင်း သတင်းတစ်ပုဒ် ဖတ်လိုက်ရပါတယ်။ကျွန်တော်တို့ ဆေးရုံနဲ့မနီးမဝေး မြို့ပေါ်ရပ်ကွက် တစ်ခုမှာ ဦးနှောက်အမြှေးရောင်ရောဂါပြန့်နှံဖြစ်ပွားနေပြီး လူပေါင်း ၁၀၀ ကျော် ဆေးရုံတင် ထားရတယ် ဆိုတဲ့သတင်းပါ။ဒီရောဂါဟာ မြန်မာနိုင်ငံ မှာလည်း ဖြစ်ပွားလေ့ရှိတော့ ရောဂါရဲ့ အဓိက လက္ခဏာလေးတွေ ကိုသတိထားမိအောင် တင်ပြလို ပါတယ်။
သာမန်အားဖြင့် ဦးနှောက်အမြှေးရောင် ရောဂါ လက္ခာဏာတွေ ကိုသတိပြုမိဖို့ ခက်ခဲပါတယ်။တုပ်ကွေးရောဂါနဲ့ လက္ခဏာတွေ ဆင်ဆင်တူတာကြောင့် သတိမထားမိတတ်ကြ တာလည်းပါပါတယ်။တုပ်ကွေး ကတော့ သာမန်အားဖြင့် အသက်အန္တရာယ်မရှိ တတ်ဘဲ သူနဲ့ ခဏခဏ မှားတတ်တဲ့ ဦးနှောက်အမြှေးရောင် ရောဂါက တော့ ထိထိရောက်ရောက်မကုသ လျှင်အသက်အန္တရာယ်ရှိ ပါတယ်။ရောဂါလက္ခဏာတွေ ကိုသတိထားမိပြီး ထိထိရောက်ရောက် ကုသမူခံယူမယ် ဆိုလျှင့်တော့အန္တရာယ်ကင်: ဘေးရှင်းပါလိမ့်မယ်။
အဓိကလက္ခဏာများ
အထက်မှာ ဖော်ပြခဲ့သလိုပဲ ရောဂါလက္ခဏာတွေ က တုပ်ကွေးနဲ့ ဆင်တူပါတယ်။အောက်ပါလက္ခဏာတွေ တွေ့ရမယ် ဆိုရင်တော့ ဦးနှောက် အမြှေးရောင် ရောဂါလည်းဖြစ်နိုင်တယ်ဆိုတာ ထည့်သွင်းစဉ်းစားဖို့လိုပါတယ်။
- ရုတ်တရက် အဖျားတက်ခြင်း
- ပြင်းထန်စွာခေါင်းကိုက်ခဲခြင်း
- လည်ပင်းခိုင်ခြင်း(မေးစေ့ ကို ရင်ဘတ်ဖြင့်ထိ လို့မရခြင်း)
- မှတ်ဥာဏ်စွမ်းရည်ကျဆင်းခြင်း၊ သတိမကောင်းတော့ခြင်း
- ထိုင်းမှိုင်းလေးလံခြင်း
- မျက်လုံးနာခြင်း၊စူးရှသော အလင်းရောင်ကို ကြောက်ခြင်း
- အဆစ်အမြစ် နှင့် ကြွက်သားများ နာကျင်ခြင်း
အထက်ဖော်ပြပါ လက္ခဏာများအနက် အဖျားတက်ခြင်း၊ ခေါင်းကိုက်ခြင်း၊ လည်ပင်းခိုင်ခြင်း စတာတွေဟာ ဦးနှောက်အမြှေးရောင် ရောဂါဖြစ်နိုင်တဲ့ အဓိက လက္ခဏာတွေ ဖြစ်ပါတယ်။
အခြားလက္ခဏာများ
အောက်ပါလက္ခဏာတွေက တော့ အမြဲတွေ့ရလေ့မရှိပါဘူး။သို့ပေမယ့် ဒီလက္ခဏာတွေ တွေ့ရမယ်ဆိုလျှင်ဖြင့် အသက်အန္တရာယ် ဖြစ်နိုင်တဲ့ သွေးဆိပ်သင့် ဝေဒနာတစ်ခု ရှိနေပြီဆိုတာ ချက်ချင်းသတိပြု မိဖို့လိုပါတယ်။
- အရေပြားအရောင်အဆင်း ပြောင်းလဲခြင်း
- ဗိုက်အရမ်းအောင့်ခြင်း
- ခြေဖျားလက်ဖျား အလွန် အမင်းအေးစက်ခြင်း
- မူးဝေ ထိုင်းမှိုင်ခြင်း
- အရေပြားပေါ်တွင် အနီရောင်၊ အညိုရောင် အစက်များပေါ်ခြင်း
- တက်ခြင်း
သင့်ရင်သွေးငယ်(သို့မဟုတ်) သင့်ပတ်ဝန်ကျင်က ကလေးငယ်တွေမှာ ဖော်ပြပါ လက္ခဏာတွေ တွေ့ရလျှင်ဖြင့် နီးစပ်ရာ ကျန်မာရေးဌာန ကို အမြန်ဆုံး သွားရောက် ကာ ကုသမှု ခံယူသင့်ပါတယ်။
No comments:
Post a Comment